Maggie Gangs Away. (Trad)

Chorus

What will a the lads do when Maggie gangs away? 

Oh What will a the lads do when Maggie gangs away? 

There’s no a hert in a this land that doesna dreed the day 

An oh what will a the lads do when Maggie gangs away? 

Young Jock has ta’en the hill for’t a waefu white is he 

Poor Harry’s taen the bed for it an laid him doon tae dee 

An Sandy’s gaen intae the kirk an learnin fast tae pray 

But oh what will the lads do when Maggie gangs away? 

The young Laird o the Langshaw has drunk her health in wine 

The priest has said in confidence the lassie was divine 

An that is mair in maiden’s praise than ony priest should say 

But oh what will the lads do when Maggie gangs away? 

The wailin in oor green glen that day will quaver high 

Twill draw the redbreast frae the wood, the laverock frae the sky 

The faeries frae their beds of dew, will rise an join the lay 

But oh what will the lads do when Maggie gangs away 

Leave a Reply

Your email address will not be published.