Yellow On The Broom. (Adam McNauhton)

I ken ye dinna like it lass, the winter here in toon

For the scaldies a misca us, and they try tae bring us doon

And it’s hard tae raise three bairns, in a single flae box room

But I’ll tak ye on the road again, when the yella’s on the broom.

Chorus.

When the yella’ s on the broom, when the yella’ s on the broom

I’ll tak ye on the road again, when the yella’s on the broom.

.

The scaldies ca us tinker dirt, and they spurn oor bairn’s in school

But fa cares fit the scaldies think, for the scaldies but a fool

They never hear the yarlin’s song, nor see the flaxen bloom

For they’re cooped up in hooses when the yella’s on the bloom

.

Nae sale for pegs or baskets noo, that used to bide our lives

But I seem to work at scaldies jobs, from nie o’ clock till five

But we ca’ nae man oor maister, when we own the warld roon

And I’ll bid fareweel tae Breechin, when the yella’s on the broom

.

I’m weary for the springtime, when we tak the road aince mair

T ae the plantin and the fermin, and the berry fields O Blair

When we meet up wae oor kin-folk, frae a the country roon

And we yarn aboot wha’ll tak the road when the yella’s on the broom

Leave a Reply

Your email address will not be published.