Bonnie Charlie’s now awa’
Safely owre the friendly main;
Mony a heart will break in twa,
Should he ne’er come back again.
Chorus
Will ye no come back again?
Will ye no come back again?
Better lo’ed ye canna be,
Will ye no come back again?
English bribes were aa in vain,
An e’en tho puirer we may be;
Siller canna buy the heart
That beats aye for thine and thee.
Sweet’s the laverock’s note and lang,
Lilting wildly up the glen;
But aye to me he sings ae sang,
Will ye no come back again?