Atholl Gathering

Chorus

Wha will ride wi’ gallant Murray , wha will ride for Geordie’s sel’
He’s the flooer o’ Glen Isla and the darlin’ o’ Dunkeld
See the white rose in his bonnet, see his banner o’er the Tay
His guid sword he noo has drawn it and has flung his sheath away


Every faithfu’ Murray follows, first of heroes, best of men
Every true and trusty Stewart blythely leaves his native glen
Athol lads are lads of honour, westland rogues are rebels a’
When we come within their border we maun gar the Campbell ‘s claw

Menzies he’s our friend and brother, Gask and Strowan are nae slack
Noble Perth has ta’en the field and a’ the Drummonds at his back
Let us ride wi’ gallant Murray , let us fight for Charlie’s crown
From the right we’ll never sinder til we bring the tyrants down

MacIntosh the gallant sodger, wi’ the Grahams and Gordons gay
They hae ta’en the field of honour, spite of all their c***fs could say
Bend the musket point the rapier, shift the brog for Lowland shoe
Scour the durk and face the danger, MacIntosh has all to do

Wha will ride wi’ gallant Murray , wha will ride for Geordie’s sel’
He’s the flooer o’ Glen Isla and the darlin’ o’ Dunkeld
See the white rose in his bonnet, see his banner o’er the Tay
His guid sword he noo has drawn it and has flung his sheath away

Leave a Reply

Your email address will not be published.